Kirgisar reka Bandaríkjamenn úr landi

Þing Kirgistans samþykkti í dag tillögu ríkisstjórnar landsins um að Bandaríkjamönnum yrði gert að loka herstöð sinni í landinu. Þeir hafa 180 daga frest til að gera það. Herstöðin er sögð mikilvæg vegna birgðaflutninga til hermanna Atlantshafsbandalagsins í Afganistan.

Talið er að ákvörðunin tengist láni frá Rússum vegna efnahagsþrenginga í Kirgistan. Með þessu vilji Rússar ná taki á Bandaríkjamönnum vegna áherslu þeirra á hertar aðgerðir í Afganistan. Með þessu verði hægt að fá þá til að koma í veg fyrir aðild Georgíu og Úkraínu að NATO sem Rússar eru afar andvígir.

Þessu vísa ráðamenn í Kreml á bug.

James Apparthuari, talsmaður Atlantshafsbandalagsins, segir þetta vissulega valda óþægindum en 80% af hergögnum til herliðsins í Afganistan komi þangað í gegnum Pakistan.