Hefur þreytt ökupróf 771 sinni

Sextíu og átta ára gömul amma í Suður - Kóreu hefur fallið sjöhundruðsjötíu og einu sinni á ökuprófi eftir því sem fjölmiðlar þar í landi fullyrða. Lögreglan í Suður-Kóreu segir að amman, sem er kölluð Cha hafi tekið prófið næstum því á hverjum degi frá því árið 2005. Hún féll á prófinu á mánudaginn í sjöhundruðsjötugasta og fyrsta skipti.

„Þetta er met hérna," segir Choi Yong-Cheol, lögreglumaður sem hefur yfirumsjón með ökuprófum þar sem konan býr. „Ég velti fyrir mér hvort hún eigi eftir að reyna í sjöhundruðsjötugasta og annað skiptið," segir Choi í samtali við AFP fréttastofuna. Fréttablaðið Korea Times bætir um betur og fullyrðir að konan muni reyna fyrir sér aftur í prófinu. Choi segir að Cha sé gersamlega fyrirmunað að standast skriflega hluta prófsins. Hún nái yfirleitt á bilinu 30-50 stigum, en lágmarkið sé 60 af 100 stigum.

Lögreglan telur að Cha hafi varið um 3,600 bandaríkjadölum til að taka prófin