Atkvæði talin á ný í Íran

Klerkaráðið í Íran hefur kveðið upp þann úrskurð að telja skuli á ný atkvæði forsetakosninganna sem fram fóru þar í landi á föstudaginn. Höfuðandstæðingur sigurvegara kosninganna telur svik hafa átt sér stað við talningu atkvæða og hefur ráðið fallist á það. Meðal þess sem talið er grunsamlegt er hve mörg atkvæði sitjandi forseti og sigurvegari kosninganna, Mahmoud Ahmadinejad, hlaut í heimabæ mótframbjóðanda síns, Mir Hossein Mousavi. Boðað hefur verið til útifunda af hálfu stuðningsmanna þeirra beggja í dag.