Scolari ekki refsað

Enska knattspyrnusambandið mun ekki refsa Luiz Felipe Scolari, knattspyrnustjóra Chelsea, fyrir þau ummæli sem hann lét falla eftir að hans menn töpuðu fyrir Arsenal um helgina.

Þetta kemur fram á fréttavef Sky Sports en Scolari var ósáttur við að fyrra mark Robin van Persie hafi fengið að standa. Sjálfur hefur van Persie viðurkennt að hann hafi verið rangstæður. Einnig var Scolari óánægður með að Salomon Kalou, leikmaður Chelsea, hafi verið ranglega dæmdur rangstæður í leiknum.

„Chelsea og dómarainn báru ábyrgð á þessu tapi. Arsenal skoraði ólöglegt mark. Það er mikilvægt að þetta verði rætt við rétta aðila. Það er erfitt að vinna leiki þegar dómarinn kveður upp tvo mikilvæga ranga dóma."

„Ég hef gert mín mistök en við þurfum að fá einhvern til að dæma leikina sem dæmir fyrir bæði lið, ekki bara annað þeirra."

Scolari fór einnig fram á að dómarionn, Howard Dean, myndi biðjast afsökunar vegna mistakanna.