Uppáhald Stalíns lést í gær

Rússneska balletdansmeyjan, Olga Lepeshinskaya, sem dansaði áratugum saman við Bolshoi leikhúsið og vakti mikla athygli einræðisherrans Jósefs Stalín lest í gær, 92 ára að aldri.

Lepeshinskaya var fædd í Kiev árið 1916. Hún gekk til liðs við Bolshoi ballettinn árið 1933. Stalín mætti á fjölmargar sýningar hennar við leikhúsið og talið era ð Lepeshinskaya hafi verið uppáhalds dansarinn hans. Hún dansaði við Bolshoi leikhúsið allt fram á sjöunda áratug síðustu aldar.

Lepeshinskaya lést í svefni á heimili sínu í Moskvu. Dmitry Medvedev, forseti Rússlands, hefur sent fjölskyldu hennar samúðakveðjur sínar.

Það var Reuters fréttastofan sem greindi frá.