Ferguson: Tíminn stendur í stað

Sir Alex Ferguson segist ánægður yfir því að hans menn í Manchester United þurfi aðeins að treysta á sjálfa sig til að næla í 10. meistaratitil sinn í úrvalsdeildinni.

"Það eina sem skiptir máli núna er að við gerum það sem við þurfum að gera til að klára þetta. Tímabilið er komið á það stig þegar sex leikir eru eftir að hver leikur getur ráðið úrslitum. Við eigum aðeins tvo heimaleiki eftir og því verðum við að gæta þess að halda góðum dampi út mótið," sagði Ferguson.

Þó ekki sé mikið eftir af deildinni viðurkennir Ferguson að tíminn verði lengi að líða á lokasprettinum. "Það er stutt eftir af deildinni, en þegar titilbaráttan er annars vegar, virðist tíminn oft standa í stað. Þetta verður mikið taugastríð, en liðið sem heldur stöðugleika mun klára þetta."