Gróft framhjáhald hjá Nicolas Anelka

Franski framherjinn Nicolas Anelka er ekki við eina fjölina felldur í kvennamálum ef marka má krassandi sögu af honum í helgarblaðinu News of the World í dag.

Anelka gifti sig fyrir nokkrum mánuðum en átti í leynilegu sambandi við afgreiðslustúlku í Manchester síðasta vor. Hann gekk svo langt að senda henni dónaleg skilaboð í símann á sjálfan brúðkaupsdaginn.

Hann tók líka myndir af "félaganum" og sendi henni í gegn um síma sinn. Stúlkan seldi News of the World sögu sína og segir að þó Anelka búi yfir góðri bóltækni, sé hann ekki annað en enn einn lygalaupurinn úr knattspyrnuheiminum. Hún segist vorkenna belgískri konu hans því hann eigi eflaust eftir að halda áfram að halda framhjá henni.