Barton hefur afplánun í dag

Miðjumaðurinn Joey Barton hjá Newcastle hefur sex mánaða afplánun sína í fangelsi eftir að hafa verið fundinn sekur um alvarlega líkamsárás í Liverpool um jólin í fyrra.

Kevin Keegan knattspyrnustjóri Newcastle heldur því fram að Barton sé breyttur maður, en dómari var ekki á sama máli og sendi leikmanninn í fangelsi.

Hann er dæmdur fyrir að kýla mann meira en 20 sinnum og fyrir að hafa brotið tennur í 16 ára gömlum dreng. Hann hafði áður ráðist á félaga sinn á æfingasvæði Manchester City þegar hann var leikmaður liðsins, en hann var laus gegn trygginu þegar síðari árásin átti sér stað.