Frá Real Madrid til Sunderland?

Breska blaðið Daily Telegraph fullyrðir að Njáll Quinn og félagar í stjórn Sunderland séu með mjög stór nöfn á blaði sem mögulega eftirmenn Roy Keane knattspyrnustjóra.

Telegraph segir þannig að Sunderland hafi þegar rætt við Þjóðverjann Bernd Schuster sem rekinn var frá Real Madrid á dögunum.

Þá segir að félagið hafi einnig rætt við þá Leo Benhakker og Roberto Mancini og að menn eins og Martin Jol, Gerrard Houllier, Louis van Gaal og Alan Curbishley séu einnig inni í myndinni.

Það er því greinilegt að metnaðurinn er mikill í herbúðum Sunderland ef marka má skrif breska dagblaðsins.