Berbatov kemur við sögu í grannaslagnum

Sir Alex Ferguson knattspyrnustjóri hefur staðfest að Dimitar Berbatov muni koma við sögu í leik Manchester United og Manchester City um helgina.

Berbatov hefur ekki komið við sögu hjá United síðan hann meiddist á nára fyrr í þessum mánuði og liðinu hefur gengið illa að skora í fjarveru hans.

"Dimitar byrjaði að æfa í dag en það er aldrei auðvelt að eiga við meiðsli í aftanverðu læri. Við verðum að fara varlega því hann hefur aldrei meiðst svona áður. Við eigum aftir að sjá hvort hann getur byrjað eða verði á bekknum á sunnudaginn, en það kemur væntanlega í ljós á næstu tveimur dögum," sagði Ferguson.