Benayoun hótar að yfirgefa Liverpool

Yossi Benayoun, leikmaður Liverpool, segist ósáttur við hversu fá tækifæri hann hefur fengið í byrjunarliði Liverpool á leiktíðinni.

Rafa Benitez, knattspyrnustjóri Liverpool, hefur notað Benayoun aðallega sem varamann en af þeim ellefu leikjum sem hann hefur komið við sögu hefur hann verið í byrjunarliðinu í fjórum leikjum.

„Ef ástandið verður óbreytt á næstu mánuðum vil ég ekki vera áfram sem leikmaður Liverpool. Ég vona þó að þetta breytist. Ég vil vera áfram og sanna mig en það verður ekki auðvelt."

Benayoun kom til Liverpool frá West Ham fyrir fimm milljónir punda árið 2007.