Látt´ekki svona Angela

Engin sátt er á milli stórveldanna í Evrópusambandinu um hvernig leysa skuli efnahagskreppuna.

Angela Merkel kanslari Þýskalands er nú í heimsókn í Frakklandi og líkamstjáningin á þessari mynd kann að vera til marks um ósættið.

Merkel er þarna ásamt Nicolas Sarkozy forseta Frakklands á leið í hádegisverð á heimili Körlu Bruni-Zarkosy eiginkonu forsetans.

Frakkar eru gramir Þjóðverjum fyrir að tregðast við að leggja meira fé af mörkum til hjálpar ríkjum Evrópusambandsins. Þjóðverjar vilja halda sínum aurum fyrir sig.