O'Neill vill fá Heskey til Villa

Martin O'Neill, stjóri Aston Villa, hefur viðurkennt að félagið ætli sér að leggja fram tilboð í Emile Heskey, leikmann Wigan, í næsta mánuði.

Heskey spilaði áður undir stjórn O'Neill er báðir voru á mála hjá Leicester. Samningur Heskey við Wigan rennur út í sumar og hefur Dave Whelan stjórnarformaður félagsisn sagt að félagið vilji frekar selja hann í janúar frekar en að fá ekki neitt fyrir hann í sumar.

„Ég er viss um að Emile Heskey hefur úr mörgum tilboðum að velja," sagði O'Neill í samtali við enska fjölmiðla. „Það er það sem vill gerast þegar að samningar leikmanna eru að renna út. Þá eru það þeir sem ráða ferðinni."