Portsmouth sektað vegna félagaskipta Benjani

Enska knattspyrnusambandið hefur verið sektað um fimmtán þúsund pund vegna bæði kaupa og sölu félagsins á Benjani Mwaruwari á sínum tíma.

Benjani kom til Portsmouth frá Auxerre í Frakklandi árið 2006 og var svo seldur til Manchester City þar sem hann er nú.

Umboðsmaðurinn Willie McKay hefur einnig verið settur í skilorðsbundið bann fyrir sinn hlut í málinu. Hann var fulltrúi þess félags sem seldi Benjani í bæði skiptin, fyrst Auxerre og svo Portsmouth. Það er ekki leyfilegt að sami maðurinn komi að sölu sama leikmannsins í tvö skipti í röð, samkvæmt reglum sambandsins.

„Við höfðum ekki hugmynd um að Willie McKay hafi fengið greitt þegar að Benjani kom til okkar frá Auxerre. Þetta staðfestu bæði Auxerre og hann sjálfur við sambandið sem hefur greinilega ákveðið að hunsa það," sagði í yfirlýsingu frá Portsmouth.

Portsmouth verður sektað um önnur fimmtán þúsund pund ef félagið gerist aftur brotlegt á reglum enska knattspyrnusambandsins á næstu tveimur árum.