Þrír túlkar Dana í Írak voru einnig njósnarar

Þrír írakskir túlkar, sem unnu fyrir dansaka herinn í Írak, unnu jafnframt sem njósnarar fyrir uppreisnarmenn í landinu. Þessu heldur fyrrverandi yfirmaður leyniþjónustu danska hersins fram í Nyhedsavisen. Tveir túlkanna gáfu svokölluðum skæruliðum upplýsingar en sá þriðji seldi þær.

Yfirmaðurinn segir einnig að danska ríkisstjórnin hafi ekki viljað láta rannsaka málið til fulls þar sem ekki væri áhugi á að vita meira um það, en danska herliðið var kallað heim frá Írak í fyrra. Var upplýsingum í málinu komið áfram til breskra herliðsins.

Hið svokallaða túlkamál kom upp í Danmörku í fyrraumar. Þá fengu yfir 300 írakskir túlkar og fjölskyldur þeirra hæli í Danmörku þar sem óttast var um líf þeirra vegna vinnu þeirra fyrir danska herinn. Danski þjóðarflokkurinn, sem á aðild að ríkisstjórninni, vill nú kanna hvort einhver af þeim túlkum hafi njósnað um danska herinn.