Hryðjuverkamenn felldir í Mumbai

Fjórir hryðjuverkamenn hafa verið handteknir í Mumbai á Indlandi í kvöld að því er þarlend lögregluyfirvöld segja. Níu menn eru einnig í haldi lögreglu grunaðir um aðild að hryðjuverkunum í kvöld en ráðist var til atlögu á sjö stöðum í borginni með þeim afleiðingum að áttatíu eru látnir og hundruðir særðir.

Ekki liggur fyrir hvort lögregla hafi ráðið niðurlögum allra þeirra sem stóðu að hryðjuverkunum en fréttir hafa borist af því að tugir erlendra ferðamanna séu í haldi gíslatökumanna á tveimur hótelum í borginni. Þá hafa fréttir borist af því að á minnsta kosti öðru hótelinu, Taj Mahal, hafi brotist út eldur í kjölfar sprengingar.

Barack Obama, verðandi forseti Bandaríkjanna, fordæmdi ódæðin í kvöld og það hafa fleiri þjóðarleiðtogar einnig gert.