Ferguson vill ekki að tímabilið byrji of snemma

Alex Ferguson, stjóri Manchester United, væri ekki ánægður ef áætlanir um að tímabilið í ensku úrvalsdeildinni myndi byrja fyrr á næsta ári fá að ganga fram.

Enska knattspyrnusambandið segir að tímabilinu megi að ljúka ekki síðar en 16. maí vorið 2010 vegna heimsmeistarakeppninnar í Suður-Afríku síðar um sumarið.

Sambandið hefur átt í viðræðum við fulltrúa ensku úrvalsdeildarinnar um að finna lausnir svo það verði hægt og ein slík er að láta tímabilið byrja viku fyrr en venjulega.

Tímabilið myndi þá byrja þann 8. ágúst og leikinn um Samfélagsskjöldinn yrði leikinn þann 2. ágúst næsta sumar. Það er aðeins sjö vikum eftir að heil umferð fer fram í undankeppni HM 2010 í byrjun júní og hefur Ferguson áhyggjur af því að leikmenn fái allt of litla hvíld fyrir nýja tímabilið.

„Ég hefði áhyggjur af þessu, ekki bara okkar vegna heldur knattspyrnunnar allrar. Mér finnst þetta allt of naumur tími til að gefa leikmönnum þá hvíld sem þeir þurfa og undirbúa þá fyrir nýtt tímabil."