Ísraelar ráðast gegn Heilögu stríði

Ísraelsher ætlar að ráðast gegn palestínsku andspyrnu og hryðjuverkasamtökunum Heilögu stríði, eða Islamic Jihad. Þetta var ákveðið í gærkvöldi eftir samráðsfund forsætis- og varnarmálaráðherra landsins með yfirmönnum hersins.

Islamic Jihad, eða Heilagt stríð, lýstu ábyrgð á hendur sér fyrir sjálfsmorðsárás í ísraelska bænum Eilat á mánudag, þar sem þrír Ísraelar létust.

Ísraelsstjórn heldur því fram á sama tíma að vopnahléð muni ekki bíða skaða af, aðeins verði ráðist gegn meðlimum þessara einu samtaka.