Ísraelskur ráðherra sakfelldur

Ísraelskur dómstóll sakfelldi í dag dómsmálaráðherrann fyrrverandi Haim Ramon fyrir kynferðislega áreitni við konu í ísraelska hernum. Ramon sagði af sér í ágúst eftir að ákæra var gefin út á hendur honum. Sakir hans voru að hafa þröngvað konu í hernum til að kyssa sig eftir að hún bað hann um að mynd af þeim saman.

Ramon hélt því hins vegar fram að konan hefði átt hugmyndina að kossinum og viljað hann.

Þetta er aðeins eitt af hneykslismálum ísraelskra ráðamanna undanfarið, nú í síðustu viku tilkynnti ríkissaksóknari að hann undirbyggi ákæru á hendur forsetanum Katzav fyrir nauðganir á fleiri en einni konu á skrifstofu forsetans.

Búist er við að einhverjar uppstokkanir verði í stjórn Ehuds Olmerts þegar ljóst er að dómsmálaráðherrann komi ekki til starfa á ný.