Stjórarnir um úrslit dagsins:

Sven Goran Erikson, þjálfari Man City sem sigraði West Ham 2-0:

"Þetta var frábært því að við vorum með marga nýja og óreynda leikmenn á vellinum. Við spiluðum vel í 30 mínútur í fyrri hálfleik og 20 í þeim seinni. Þess á milli áttum við í erfiðleikum. En ég býst svosem við að það er eitthvað sem maður getur átt von á í Úrvalsdeildinni.

Það er ekki hægt að stjórna leik í 90 mínútur þannig að ég er ánægður. Strákarnir stóðu sig vel og sýndu að þeir geta spilað fótbolta."

Martin Jol, þjálfari Tottenham sem tapaði 0-1 fyrir Sunderland:

"Við spiluðum ekki vel og sköpuðum ekki þau færi sem ég hefði viljað. Ég hefði ekki einu sinni orðið sáttur við 0-0 jafntefli miðað við hvernig við spiluðum. Þegar þú spilar vel er 0-0 jafntefli alltaf 0-0 jafntefli. Maður verður að kunna vernda það en það er eitthvað sem okkur vantar. Ég gæti reynt að koma með einhverjar afakanir fyrir því en ég ætla ekki að gera það.

Það voru leikmenn en hópurinn okkar átti samt að vera nógu sterkur til að þess að vinna leikinn. Við vorum staðráðnir í að gera vel í fyrsta leik tímabilsins en það gerðist bara ekki."

Sammy Lee, þjálfari Bolton sem tapaði 3-1 fyrir Newcastle:

"Þetta voru mikil vonbrigði. Mér fannst við eiginlega ekki byrja leikinn fyrr en einhvern tímann í seinni hálfleik. Það eru ótrúlega mikil vonbrigði eftir allan okkar undirbúning að lenda 3-0 undir svona snemma.

Ég verð samt að taka það fram að ég bað leikmennina að svara fyrir frammistöðu fyrri hálfleiksins í síðari hálfleik og mér fannst þeir gera það. Það er náttúrulega mjög erfitt að koma tilbaka eftir að hafa lent 3-0 undir en mér fanst mínir leikmenn gera vel í síðari hálfleik.

Sem þjálfari verð ég að líta á það jákvæða úr leiknum en að sjálfsögðu þarf ég líka að fara yfir þennan hörmungar fyrri hálfleik."

Harry Redknapp, þjálfari Portsmouth sem gerði 2-2 jafntefli við Derby:

"Við byrjuðum náttúrulega illa og lentum marki undir. En eftir að hafa jafnað og spilað ágætlega í síðari hálfleik fannst mér við eiga að geta tekið stigin þrjú.

Derby gerði mjög vel í leiknum. Þeir voru hugmyndaríkir og ákafir, mjög gott lið.

En ég verð að segja að vinna ekki leik sem við leiðum 2-1 þegar það eru sjö, átta mínútur eftir er afar svekkjandi."

David Moyes, þjálfari Everton sem lagði Wigan 2-1

"Okkur fannst við spila ágætlega, fyrir utan markið sem þeir settu á okkur í lokin. Leikmennirnir gerðu það sem ég lagði upp með. Við vildum byrja af krafti og mér fannst við gera það.