Úrslit dagsins í Enska

Manchester City vann góðan 2-0 sigur á West Ham rétt í þessu. Rolando Bianchi kom Man City yfir eftir 17. mínútna leik. Markið kom eftir frábæran einleik hjá Elano Gomer sem sendi hann svo fyrir markið á Bianchi sem potaði honum inn af stuttu færi. Bæði Gomer og Bianchi eru að leika sinn fyrsta leik fyrir Man City. West Ham reyndu hvað þeir gátu að jafna en City sló smiðshöggið á leikinn þegar Geovanni skoraði gott mark tveim mínútum fyrir leikslok.

Sam Allardyce tók sína gömlu lærisveina í kennslustund á Reebok vellinum þegar Newcastle vann öruggan 3-1 sigur á Bolton. Tvö mörk frá Obafemi Martins og eitt frá Charles N'Zogbia gerði út af við leikinn í fyrri hálfleik. Nicolas Anelka minnkaði muninn í byrjun seinni hálfleiks. En lengra komumst Bolton ekki. Heiðar Helguson kom inn á á 59. mínútu og var spjaldaður fyrir brot á varnarmanninum Rozenhnal.

Everton vann Wigan 2-1 með mörkum frá Osman og Anichebe. Sibierski skoraði fyrir Wigan rétt fyri leikslok.

Það var hörkuleikur þegar Derby og Portsmouth mættust. Derby kom öllum á óvart þegar Oakley kom þeim yfir eftir aðeins 5 mínútur. Portsmouth náði svo að komast yfir með tveimur mörkum frá Mwaruwari og John Utaka. Héldu þá flestir að sigurinn væri í höfn þar til Todd jafnaði leikinn fyrir Derby 10 mínútum fyrir leikslok. Lokatölur 2-2.

Blackburn komu stekir tilbaka eftir að hafa lent 1-0 undir á 31. mínútu eftir mark frá Stuart Downing. Roque Santa Cruz jafnaði leikinn á 62. mínútu í sínum fyrsta leik fyrir Rovers áður en Matt Derbyshire tryggði sínum mönnum sigurinn á 79. mínútu. Lokatölur 2-1 fyrir Blackburn.