Ecclestone tilbúinn að kaupa Arsenal

Formúlumógúllinn Bernie Eccelstone lýsir því yfir við The Times í dag að hann myndi kaupa Arsenal í dag ef það væri til sölu. Ecclestone hefur verið orðaður við yfirtöku en ljóst er að ekki verður af henni fyrr en í fyrsta lagi í apríl á næsta ári þar sem fimm stærstu hluthafar félagsins hafa komist að samkomulagi um að hreyfa ekki sinn hlut fyrr en þá. Ecclestone ásælist hlut fimmmenninganna enda vill hann ráða öllu þar sem er.

Maðurinn á bak við mögulega yfirtöku Ecclestone er David Dein, fyrrverandi yfirmaður knattspyrnumála hjá félaginu. "Það var David Dein sem nefndi þetta. Stjórnendur Arsenal vilja hins vegar ekki selja og hafa gert sankomulag um læsa bréfin sín inni í eitt ár. Við verðum því að bíða og sjá. Þða getur margt gerst á einu ári en ég er enn mjög áhugasamur. Ef ég gæti þá myndi ég kaupa Arsenal í dag en ég yrði að stýra félaginu," segir Ecclestone sem hefur mörg hunsruð milljarða á formúluveldi sínu.

Hann gæti átt fyrir höndum baráttu við bandaríska auðkýfinginn Stan Kroenke sem á fyrir rúm 12% í félaginu.