Vilja að sjóliðar verði látnir lausir

Utanríkisráðherra Íraks, Hoshiyar Zebari hafði í gærkvöldi samband við starfsbróður sinn í Íran og krafðist þess að hann léti lausa 15 breska sjóliða sem voru handteknir fyrir helgi, að því er Íranir segja í þeirra lögsögu. Bretar vilja hins vegar meina að sjóliðarnir hafi verið í írakskri lögsögu. Íranir hafa gefið út að líklega verði sjóliðarnir ákærðir og réttað yfir þeim í Íran. Tony Blair forsætisráðherra Bretlands hefur hins vegar sagt það óhæfu og krafist þess að sjóliðarnir yrðu látnir lausir.