Leroy Lita meiddist í rúminu

Leroy Lita, framherji Reading, er nú í kapphlaupi við tímann svo að hann geti spilað fyrsta leik félagsins á tímabilinu gegn Manchester United á sunnudaginn. Lita er meiddur á fæti, en það er ekki vitað hvað er að honum. Hann vaknaði í rúminu sínu á sunnudaginn og var þá sárkvalinn.

„Leroy er sárkvalinn. Hann vaknaði bara í rúminu sínu en það er greinilegt að hann hafi gert eitthvað við fótinn," sagði Steve Coppell stjóri Reading. „Þetta eru ekki meiðsli sem hægt er að gera grín af. Við vitum ekki nákvæmlega hvað gerðist en þetta gæti haft eitthvað með taugarnar að gera. Hann gat varla gengið í gær. Þetta gerðist svo fljótt og við vonum bara að þetta hverfi jafn fljótt."