Chimbonda að framlengja

Franski varnarmaðurinn Pascal Chimbonda er nálægt því að skrifa undir nýjan samning við Tottenham. Þessi 28 ára leikmaður á einn landsleik að baki en hann var keyptur til Tottenham frá Wigan í ágúst 2006.

„Viðræður eru á lokastigi og gengið verður frá nýjum samningi fljótlega eftir næsta leik liðsins," sagði umboðsmaður Chimbonda.

Chimbonda er bakvörður sem var keyptur til Wigan frá franska liðinu Bastia 2005. Hann hefur staðið sig vel í enska boltanum og var orðaður við Chelsea í sumar áður en þeir bláu keyptu Juliano Belletti.