Mourinho reiknar ekki með Drogba og Lampard

Jose Mourinho staðfesti í gær að afar ólíklegt væri að Didier Drogba og Frank Lampard yrðu klárir fyrir stórslag Manchester United og Chelsea á sunnudag.

Báðir misstu þeir af leik Chelsea og Rosenborg í Meistaradeildinni í gær og var greinilegt að þeirra var sárt saknað. Liðið átti tæplega 30 marktilraunir í leiknum en skoraði aðeins eitt mark. Niðurstaða leiksins var 1-1 jafntefli.

Lampard er meiddur á læri og Drogba á hné.

"Ég fæ engar góðar fréttir frá læknum félagsins," sagði Mourinho. "Ég býst ekki við því að þeir geti spilað með á sunnudaginn."