West Ham vill fá Heinze

Íslendingafélagið West Ham reynir nú að krækja í argentínska varnarmanninn Gabriel Heinze sem vill ekkert frekar en að komast frá Manchester United. Ljóst er að hann fer ekki til Liverpool eftir að nefnd ensku úrvalsdeildarinnar úrskurðaði að félag hans réði hvert hann færi og það opnaði fyrir áhuga West Ham.

Alan Curbishley vill nú fá Heinze að láni frá Manchester United út tímabilið en Alex Ferguson, stjóri United, og Curbishley eru miklir vinir. Ekki er vitað um áhuga Heintze á að ganga til liðs við Eggert Magnússon og félaga hans hjá West Ham en ljóst er að hann myndi styrkja vörn liðsins mikið.