Megson hættir hjá Leicester og ræðir við Bolton

Gary Megson er hættur hjá Leicester og mun á næstunni hefja viðræður við Bolton um stöðu knattspyrnustjóra þar.

Bolton hefur tvívegis á undanförnum dögum óskað eftir leyfi frá Portsmouth til að ræða við Megson en Milan Mandaric, stjórnarformaður Leicester, hafnaði því í bæði skiptin.

Megson fór þá á fund Mandaric og sagði að hann vildi hætta hjá félaginu og hefja viðræður við Bolton.

Búist er við því að Megson taki við Bolton fyrir helgi en liðið mætir Aston Villa á sunnudag.

Leicester er nú að leita að nýjum stjóra en nú þegar hafa þrír menn stýrt liðinu á þessu ári.