Ólafur Páll í Fjölni

Ólafur Páll Snorrason mun spila með nýliðum Fjölnis í Landsbankadeildinni næsta sumar. Ólafur Páll hefur fengið sig lausan undan samningi við FH og staðfesti á vefsíðunni Fótbolti.net að hann mun semja við Fjölni.

Ólafur kom við sögu í aðeins tveimur leikjum með FH í deildinni sumar en fyrri hluta tímabilsins var hann í láni hjá Fjölni. Þar spilaði hann sex leiki í 1. deildinni. Ólafur er uppalinn hjá liði Fjölnis.

Ólafur er þriðji leikmaðurinn á nokkrum dögum sem ákveður að semja við Fjölni. Áður gengu Ágúst Gylfason og Óli Stefán Flóventsson til liðs við félagið.