Lehmann eða Almunia?

Arsene Wenger, knattspyrnustjóri Arsenal, veit ekki hvort Jens Lehmann eða Manuel Almunia sé aðalmarkvörður liðsins. Lehmann gerði tvö dýrkeypt mistök í upphafi leiktíðarinnar og Almunia fékk tækifæri í markinu.

Þá settu meiðsli hjá Lehmann einnig strik í reikninginn. „Ég verð að viðurkenna það að ég get ekki svarað því hvor þeirra sé númer eitt. Annars er það hvort sem er ekki í mínum höndum heldur þeirra," sagði Wenger.

„Hjá okkur er samkeppni um allar stöður og markmannsstaðan er þar engin undantekning."