Rui Costa: Ronaldo og Kaka bestir

Rui Costa, leikmaður Benfica, er á þeirri skoðun að Cristiano Ronaldo og Kaka séu bestu leikmenn heims í dag. Flestir búast við því að Kaka fái gullknöttinn sem leikmaður ársins í Evrópu en Costa vill skipta verðlaununum milli leikmannana.

„Það myndi gleðja mig að sjá Kaka taka við verðlaununum. Hann og Ronaldo eru bestu leikmenn heims í dag. Sjálfur vil ég helst að þeir fái báðuir verðlaunin," sagði Costa.

Brasilímaðurinn Kaka og félagar hans í AC Milan unnu Meistaradeild Evrópu á síðasta tímabili meðan Portúgalinn Ronaldo hampaði Englandsmeistaratitlinum með Manchester United.