Mellur Ronaldo í nærum frá Tesco og Debenhams

Tvær af mellunum fimm sem fótboltastjarnan Cristiano Ronaldo keypti í sundlaugarveislu sína eftir sigurinn gegn Tottenham segja að þær hafi verið í nærbuxum frá Tesco og Debenhams. "Við vildum virkilega kveikja í þeim og klæddum okkur því í sexý föt," segja þær Tyese og Gemma í samtali við blaðið News Of The World.

Í opinskáu viðtali segja þær að kynlífssvallið þar sem Manchester United spilararnir Anderson og Nani tóku þátt auk Ronaldo hafi staðið alla nóttina. Þær hafi varla getað náð reykpásu á milli þess að hoppa úr og í sundlaugina og nuddpottinn á heimili Ronaldo.

Tyese segir að hún hafi klæðst mjög sexý svarthvítum nærfötum frá Tesco í tilefni dagsins en Gemma hafi verið aðeins fínni í tauinu. "Mín nærföt voru frá Debenhams. Ég vildi líta eins vel út og ég gat," segir Gemma. "Og stjóri okkar sagði að ef vel gengi myndu þeir kaupa okkur aftur." 

 Þær bera fótboltastjörnunum ekki vel söguna. "Ég hef sofið hjá um 200 kúnnum og hef aldrei kynnst annari eins óvirðingu," segir Gemma. "Tilfinningar okkar skiptu þá engu máli. Þeir ræddu ekki einu sinni við okkur. Þeir bara færðu líkama okkar í réttar stellingar."

Fram kemur að þær, ásamt Hannah, Julia og Brandy-Lee hafi verið sóttar af "feitum gaur" á Benz og ekið að húsi Ronaldo. Allir fimm fengu samtals tæplega 400.000 kr. í greiðslu fyrir nóttina auk 5.000 kr. álags þar sem greitt var með kreditkorti.