Bretar minnast Díönu prinsessu

Tíu ár eru í dag liðin frá því Díöna prinsessa af Wales lést í bílslysi í París, og verða minningarathafnir haldnar um hana víðsvegar um Bretland í dag.

Díana var oft nefnd prinsessa fólksins. Hún ávann sér úlfúð konungsfjölskyldunnar vegna frjálslegrar framkomu og alþýðleika - sömu eiginleika og höfðuðu til þeirra þúsunda sem syrgja hana í dag.

Prinsessan fædd 1. júlí 1961 í Norfolk á Englandi. Hún var komin af breskum aðalsmönnum langt aftur í ættir. Foreldrar hennar skildu þegar hún var barn, vegna framhjáhalds móður hennar. Faðir hennar fékk forræði yfir henni, en hún dvaldi til skiptis hjá honum á fjölskyldusetrinu í Althorp og hjá móður sinni sem bjó í Glasgow.

Díana þótti lélegur nemandi í skóla og féll tvisar á öllum samræmdum prófum sínum. Hún hætti í skóla sextán ára gömul. Um svipað leiti kynntist hún eiginmanni sínum, Karli bretaprinsi, sem þá var í tygjum við systur hennar.

Hún vann ýmis störf eftir að hún hætti í skóla. Meðal annars við dansskóla í London, á barnaheimili, sem ræstitæknir og barþjónn.

Karl og Díana giftust í St Paul's dómkirkjunni þann 29. júlí árið 1981. Fyrsta barn þeirra Vilhjálmur fæddist í júní árinu eftir og rúmum tveimur árum síðar, í september 1984 fæddist seinni sonurinn, Harry.

Hjónabandið var langt því frá hamingjuríkt. Bæði áttu þau í samböndum utan þess. Karl hélt við Camillu, núverandi eiginkonu sína. Díana svaraði í sömu mynt en hún var sögð hafa haldið við ýmsa menn.

Undir lok níunda áratugarins var hjónaband þeirra í molum og þau skildu skiptum. Skilnaðurinn varð þó ekki formlegur fyrr en 1996.

Eftir skilnaðinn beytti Díana sér af krafti í góðgerðarmálum og barðist meðal annars ötullega fyrir því að jarðsprengjur yrðu bannaðar.

Í ágúst 1997 lenti Díana í bílslysi í París. Hún var á leið heim frá veitingastað síðla kvölds með elskhuga sínum Dodi Al Fayed þegar bíll þeirra hafnaði á ógnarhraða á stólpa í undirgöngum í París. Ýmsar samsæriskenningar hafa sprottið upp um hver var að verki, og eru fyrrverandi eiginmaður hennar og Fillip, fyrrverandi tengdafaðir hennar vinsælustu aðalpersónur þeirra.