Newcastle bíður eftir boði í Martins

Newcastle United býst við að fá tilboð frá Manchester United í Obafemi Martins. Þessi ungi leikmaður er einn af fjölmörgum sóknarmönnum sem hafa verið orðaðir við ensku meistarana en liðið hefur aðeins skorað eitt mark í fyrstu þremur leikjum sínum í ensku deildinni.

Wayne Rooney verður frá í tæpa tvo mánuði í viðbót og þá er Lous Saha ekki heill. Talið er að Sir Alex Ferguson sé að líta í kringum sig í leit að sóknarmanni til að fylla í skarðið. Auk Martins hafa nöfn Nicolas Anelka hjá Bolton og Dimitar Berbatov hjá Tottenham verið nefnd til sögunnar.

Martins skoraði sautján mörk á sínu fyrsta tímabili hjá Newcastle eftir að hafa verið keyptur frá ítalska liðinu Inter.

Ferguson hefur reyndar sagt að það sé engin örvænting þrátt fyrir að Manchester United hafi aðeins krækt í tvö stig í þremur fyrstu leikjum sínum.