Martin Jol áfram með Tottenham

Tottenham Hotspur hefur staðfest að Martin Jol verði áfram knattspyrnustjóri liðsins en haldinn var stjórnarfundur í dag. Framtíð Jol var talinn í óvissu og talað um að stjórn félagsins vildi fá Juando Ramos, þjálfara Sevilla, til starfa. Nú er hinsvegar ljóst að Jol verður áfram.

„Ég er metnaðarfullur stjórnarformaður hjá metnaðarfullu félagi. Við viljum fá Meistaradeildarleiki á White Hart Lane. Við höfum varið umtalsverðu fé til leikmannakaupa til að vera með samkeppnishæft lið við þá allra bestu," sagði Daniel Levy, stjórnarformaður Tottenham.

„Við funduðum með Martin og hann hefur sama metnað og við."