Ummæli vikunnar

Mér finnst Við vera saklaust lið. Hreint lið. Leikmenn okkar láta sig ekki detta í teignum og brjóta ekki illa af sér.

José Mourinho, þjálfari Chelsea eftir leikinn við Liverpool

Ef Chelsea eru saklaust og hreint lið, þá er ég Rauðhetta.

Rafael Benitez, þjálfari Liverpool

Því miður hafa Uefa og Fifa bannað mér að nota 12 leikmenn.

Benitez útskýrir afhverju hann er alltaf að breyta byrjunarliðinu.

Úrvalsdeildin er kjötið okkar og kartöflurnar. Evrópukeppnin er desertin.

Ryan Nelsen, fyrirliði Blackburn.

Þessar svo kölluðu stjörnur í boltanum eru menn sem við eigum að líta upp til. En þetta eru allt aumingjar. Ef þeir vilja ekki koma vegna þess að konurnar þeirra vilja versla í London þá erum við í sorglegum málum.

Roy Keane er hreinskilinn að vanda.

Mér finnst skemmtilegt að skipta um hárgreiðslur, en það fer rosalega í taugarnar á mömmu. Ég læt þetta yfirleitt ráðast af því hvernig skapi ég er í .

Fernando Torres spáir mikið í hárinu á sér

Við erum eins og leikskólabörn að byrja í skóla. Og við erum smám saman að átta okkur á því hver hrekkjusvínin eru.

Billy Davies, þjálfari Derby um lífið í úvalsdeildinni.

Í 100 daga mætti ég klukkan níu og fór ekki fyrr en fimm. Ég vann og vann og vann og vann"

Peter Chech lýsir því hversu erfitt það var að jafna sig á höfuðmeiðslunum í fyrra. Mæta 9 og vinna til 5! Þvílík pína.

Vel gert strákar. Það er æfing klukkan 10 í fyrramálið.

Roy Keane eftir frækilegan sigur sinna manna á Tottenham.