Við verjum að verjast betur

 Sammy Lee og lærisveinar hans í Bolton eru enn án stiga í ensku úrvalsdeildinni eftir 3-1 tap gegn Portsmouth í dag. Þrátt fyrir stigaleysið er Lee þó jákvæður en benti þó réttilega á að það væri erfitt að vinna leiki ef liðið héldi aldrei hreinu.

"Ég ætla ekki að plata sjálfan mig. Staða okkar er ekki góð. En ég sá framfarir í leik liðsins og við áttum okkar stundir í leiknum þar sem við spiluðum vel," sagði Lee.

Vandamál Bolton er þó að stærstum hluta varnarleikurinn en liðið hefur hleypt inn átta mörkum í þremur tapleikjum.

"Þegar lið verjast eins og við gerðum í sumum tilfellum og höldum markinu aldrei hreinu þá er erfitt að vinna leiki. Við verðum að verjast betur og þá á ég ekki bara við varnarmennina fjóra heldur allt liðið."