Spáð í spilin: Wigan v Sunderland

Roy Keane og lærisveinar hans í Sunderland sækja Wigan heim á JJB-leikvanginn. Nýliðar Sunderland eru enn taplausir í deildinni en Wigan er líka á góðu róli eftir sigur gegn Middlesbrough á miðvikudaginn. Leikurinn er í beinni útsendingu á Sýn Extra 4 og hefst kl. 14.

Micheal Brown gæti leikið sinn fyrsta leik fyrir Wigan gegn Sunderland. Hann er í hópnum en talið er líklegt að Chris Hutchins haldi sig við sama byrjunarlið og sigraði Middlesbrough á miðvikudaginn.

Varnarmennirnir Emerson Boyce og Ryan Taylor eru enn meiddir og verða ekki með.

Leikmannahópur Wigan í dag: Kirkland, Melchiot, Bramble, Granqvist, Kilbane, Valencia, Scharner, Landzaat, Koumas, Heskey, Folan, Sibierski, Hall, Skoko, Aghahowa, Camara, Brown, Pollitt.

Einn besti leikmaður Sunderland, Carlos Edward, verður ekki með gegn Wigan um helgina. Edward haltraði af velli í vikunni og verður frá í mánuð.

Þá er búist við því að Stern John fái sæti í byrjunarliðinu eftir að hafa skorað í síðasta leik.

Leikmannahópur Sunderland í dag: Gordon, Halford, Wallace, Nosworthy, McShane, Richardson, Etuhu, Whitehead, Edwards, Stokes, Chopra, Ward, Anderson, Collins, Miller, Kay, Yorke, John, Murphy, O'Donovan.