Spáð í spilin: Tottenham v Derby

Tottenham og Derby eigast við í ensku úrvalsdeildinni í dag. Tottenham hefur byrjað tímabilið afar illa og tapað tveimur fyrstu leikjunum. Nýliðar Derby nældu sér hins vegar í stig í fyrstu umferðinni og virðast vera sprækir. Leikurinn er í beinni útsendingu á Sýn Extra 2 og hefst kl. 14.

Eins og áður sagði hefur byrjun Tottenham ollið miklum vonbrigðum enda var búist við miklu af liðinu. Það bætir heldur ekki úr skák að búlgarski framherjinn Dimitar Berbatov er meiddur og verður ekki með. Auk þess eru varnarmennirnir Gareth Bale, Younes Kaboul, Michael Dawson og Ledley King allir meiddir sem og enski landsliðsmaðurinn Aaron Lennon.

Leikmannahópur Tottenham í dag: Robinson, Chimbonda, Stalteri, Rocha, Gardner, Jenas, Zokora, Malbranque, Routledge, Keane, Bent, Defoe, Huddlestone, Cerny, Murphy, Tainio, Lee, Ghaly, Taarabt, Boateng, Ifil, O'Hara.

Derby hefur komið skemmtilega á óvart í tveimur fyrstu leikjunum og Billy Davies, knattspyrnustjóri liðsins, er sáttur við sína menn. Hann vill þó sjá leikmennina grimmari fyrir framan mark andstæðinganna. Í liðið vantar enn miðjumanninn efnilega Giles Barnes og varnarmennirnir Tyrone Mears og Claude Davis eru tæpir.

Leikmannahópur Derby í dag: Bywater, Todd, Moore, Davis, Mears, Fagan, Oakley, Jones, Pearson, Griffin, Howard, Price, Edworthy, Leacock, McEveley, Camara, Earnshaw, Macken.