Spáð í spilin: Portsmouth v Bolton

Það verður sannkallaður Íslendingaslagur á Fratton Park nú eftir þegar Portsmouth, lið Hermanns Hreiðarssonar, tekur á móti Heiðari Helgusyni og félögum hans í Bolton. Ekki er búist við öðru en að þeir verði báðir í byrjunarliðum sinna félaga. Leikurinn hefst klukkan 11.45 og er í beinni útsendingu á Sýn 2.

Mikil meiðsli hrjá lið Portsmouth og má búast við því að varnarmennirnir Sol Campbell og Noe Pamarot missi báðir af leiknum í dag. Auk þess eru Lauren, Dejan Stefanovic og Gary O'Neil tæpir. Það bætir heldur ekki úr skák að miðjumaðurinn sterki Sullay Muntari er í leikbanni eftir að hafa fengið að líta rauða spjaldið gegn Manchester United.

Leikmannahópur Portsmouth í dag: James, Cranie, Distin, Hermann Hreiðarsson, Taylor, Traore, Utaka, Pedro Mendes, Davis, Hughes, Mvuemba, Benjani, Nugent, Kanu, Ashdown.

Bolton hefur ekki byrjað leiktíðina vel og tapað sínum tveimur fyrstu leikjum undir stjórn Sammy Lee. Framherjarnir Kevin Davies og Rocardo Vaz Te eru báðir meiddir og verða ekki með. Lee segist hafa áhyggjur af byrjun liðsins enda minnki sjálfstraust leikmanna við að tapa leikjum en hann hafi þó fulla trú á því að liðið komi upp og fari að vinna leiki.

Leikmannahópur Bolton í dag: Jaaskelainen, Hunt, Meite, Faye, O'Brien, Cid, Samuel, Wilhelmsson, Nolan, Speed, McCann, Alonso, Braaten, Harasayni, Diouf, Anelka, Helguson, Al Habsi, Sinclair.