Undrabarn skrifar undir hjá LIverpool

Undrabarn skrifar undir hjá LIverpool

Liverpool hefur fengið til liðs við sig ungverska undrabarnið Peter Gulacsi. Gulacsi þessi er 17 ára markvörður og þykir einn sá allra efnilegasti í Evrópu.

Hann kemur frá MTK Búdapest en það lið skrifaði undir samstarfssamning við Liverpool fyrr á árinu.

Samningurinn kveður á um að Liverpool fái forkaupsrétt á efnilegum leikmönnum MTK sem á móti getur fengið leikmenn að láni frá Liverpool.

Gulacsi hefur verið við æfingar hjá Liverpool í tíu daga og var boðinn samningur að því loknu. Hann segir að nokkur lið hafi borði víurnar í sig en hann hafi alltaf viljað spila fyrir Liverpool.

"Pepe Reyna sendi mér áritaða markmannshanska í apríl. Ég trúði því varla að ég gæti verið að fara til Liverpool. Ég er búinn að vera í draumheimi síðan," sagði Gulacsi þegar hann skrifaði undir.