Curbishley ósáttur með ummæli Konchesky

Alan Curbishley, knattspyrnustjóri West Ham, íhugar málsókn gegn fyrrverandi leikmanni West Ham, Paul Konchesky. Konchesky, sem yfirgaf West Ham í sumar, gagnrýndi Curbishley harkalega í viðtali sem birtist um helgina. Konchesky gagnrýndi meðal annars stjórnunarhæfileika stjórans og sagði að West Ham kæmist ekkert áfram með Curbishley í brúnni.

Konchesky sagði einnig að Curbishley væri ástæðan fyrir því að Carlos Tevez vildi fara og að Darren Bent hefði ekki viljað koma til félagsins. „Það kom mér ekki á óvart þegar ég las þetta. Ég held að þessi maður kunni sig ekki," sagði Curbishley. „Við höfum aldrei átt í neinum útistöðum. Ég var fyrstur til að gefa honum tækifæri þegar hann var ungur hjá Charlton.

Ég hef ekki misst mikinn svefn yfir þessu. Hann hefur rétt á að tjá sig en ég er að hugsa um hvað ég get gert við þessu."