Ætla í mál við Eggert og Björgólf

Talsmaður Sheffield United tilkynnti áðan að liðið hyggist höfða skaðabótamál gegn West Ham og krefjist að Eggert, Björgólfur og félagar bæti þeim fjárhagstjónið sem Sheffield varð fyrir við það að falla niður um deild.

Ráðamenn í Sheffield United er ennþá öskuillir út í enska knattspyrnusambandið fyrir að draga ekki stig af West Ham fyrir hin ólöglegu félagaskipti Carlos Tevez til West Ham og hafa hótað hvers kyns málssóknum undanfarið.

Eftir að úrskurðað var að Sheffield gæti ekki áfrýjað ákvörðun knattspyrnusambandsins um að sekta West Ham frekar en að draga af þeim stig var eini kosturinn eftir í stöðunni að hefja 50 milljón punda skaðabóta mál.

50 milljónir punda er sú upphæð sem Sheffield United segist hafa tapað á hinum ólöglegu félagaskiptum og klúbburinn krefst þess að Eggert og Björgólfur, eigendur West Ham, taki upp veskið og greiði kostnaðinn.