Chelsea búið að ná samkomulagi við Sevilla um Alves

Fjölmiðlar á Spáni halda því fram að Chelsea hafi náð samkomulagi við Sevilla um kaupverð á bakverðinum Daniel Alves. Greint er frá því að Peter Kenyon, stjórnarformaður Chelsea, hafi verið staddur í Madrid í vikunni til að ræða við forráðamenn Sevilla og náðst hafi samkomulag um að Chelsea myndi borga 25 milljónir punda fyrir leikmanninn.

Mourinho hefur lengi verið aðdáandi leikmannsins en hann hafði vonast til að fá hann fyrir 20 milljónir punda. Fréttir bárust í síðustu viku um að Sevilla hefði hafnað tveimur tilboðum í Alves frá Chelsea því að þeir voru að bíða eftir betra tilboði.

Spænska dagblaðið AS segir að Peter Kenyon og Jose Maria del Nido, varaforseti Sevilla, hafi komist að samkomulagi um kaupin og séu nú að bíða eftir grænu ljósi frá eiganda Chelsea, Roman Abramovich, til að ganga frá kaupunum.