Everton sigraði Tottenham á White Hart Lane

Everton sigraði Tottenham í kvöld í fyrsta leik 2. umferðar ensku úrvalsdeildarinnar. Everton átti sigurinn skilið en aðeins Paul Robinson kom í veg fyrir að sigurinn yrði stærri. Þar með er lið Tottenham búið að tapa báðum leikjum sínum í úrvalsdeildinni en Everton búið að vinna báða. Joleon Lescott, Leon Osman og Alan Stubbs skoruðu fyrir Everton en Ricardo Gardner skoraði mark Tottenham.

Leikurinn hófst klukkan 19:00 og var í beinni textalýsingu hér á Vísi.is. Bjarni Þór Viðarsson var ekki í leikmannahópi Everton í kvöld.

92. mínúta - Paul Robinson ver glæsilega frá Andy Johnson. Johnson fékk gott færi í miðjum teig og skaut í vinstra hornið en Robinson var eins og köttur í markinu og varði vel. Stuttu seinna er leikurinn flautaður af.

87. mínúta - Phil Neville á gott skot fyrir utan teig en boltinn fór framhjá marki Tottenham. Skömmu áður hafði Paul Robinson varið vel frá Andy Johnson sem var í góðu færi.

80. mínúta - Skipting hjá Everton. Phil Jagielka kemur inn á fyrir Victor Anichebe.

78. mínúta - Tim Howard ver glæsilega frá Defoe sem var í ákjósanlegu færi.

74. mínúta - Paul Robinson ver vel frá Andy Johnson sem var í fínu færi á vítateigslínunni.

67. mínúta - Þriðja skiptingin hjá Tottenham. Wayne Routledge kemur inn á í stað Paul Stalteri. Leikurinn er búinn að róast síðustu mínútur.

62. mínúta - Önnur skipting hjá Tottenham. Jermain Defoe kemur inn á í stað Darren Bent. Skömmu áður skaut Robbie Keane framhjá úr aukaspyrnu á hættulegum stað.

58. mínúta - Jermaine Jenas fær gult spjald fyrir að brjóta á Mikel Arteta

48. mínúta - Dimitar Berbatov á góðan skalla sem hafnar í stönginni á marki Everton. Skömmu síðar á Mikel Arteta gott skot sem rúllaði rétt fram hjá marki Tottenham. Seinni hálfleikur byrjar mjög fjöruglega.

46. mínúta - Robbie Keane á gott skot fyrir utan teig strax í byrjun seinni hálfleiks en Tim Howard varði vel í marki Everton.

Flautað hefur verið til leikhlés. Staðan er 3-1 fyrir Everton. Alan Stubbs, Leon Osman og Joleon Lescott eru búnir að skora fyrir Everton. Ricardo Gardner skoraði mark Tottenham.

46. mínúta - 1-3 Alan Stubbs skorar úr aukaspyrnu af löngu færi. Boltinn hafði viðkomu í Didier Zokora áður en hann hafnaði í netinu.

37. mínúta - 1-2 Leon Osman skorar með skoti úr miðjum teig eftir mikla baráttu í teignum.

26. mínúta - 1-1 Ricardo Gardner jafnar leikinn með skalla eftir hornspyrnu frá Jenas.

23. mínúta - Berbatov skýtur boltanum yfir markið úr góðu færi eftir fallegan undirbúning Robbie Keane.

18. mínúta - Skipting hjá Tottenham. Younes Kaboul kemur af velli fyrir Ricardo Rocha. Kaboul haltraði af velli.

12. mínúta - Steed Malbranqe fær gult spjald fyrir brot.

10. mínúta - Tim Howard ver glæsilega frá Darren Bent sem var kominn í gott færi eftir stungusendingu. Litlu munaði að Berbatov næði að skora úr frákastinu eftir misskilning í vörn Everton.

7. mínúta - Berbatov skorar mark fyrir Tottenham sem er réttilega dæmt af vegna rangstöðu.

3. mínúta - 0-1 Joleon Lescott skorar með skalla eftir aukaspyrnu frá Mikel Arteta.

-----------------------------------------------------------------------------

Byrjunarlið Tottenham: Paul Robinson, Pascal Chimbonda, Younes Kaboul, Anthony Gardner, Paul Stalteri, Didier Zokora, Jermaine Jenas, Steed Malbranque, Robbie Keane, Darren Bent, Dimitar Berbatov.

Varamenn Tottenham: Jemaine Defoe, Tom Huddlestone, Wayne Routledge, Ricardo Rocha, Radek Cerny.

Byrjunarlið Everton: Tim Howard, Tony Hibbert, Joseph Yobo, Alan Stubbs, Joleon Lescott, Phil Neville, Leon Osman, Lee Carsley, Mikel Arteta, Andy Johnson, Victor Anichebe.

Varamenn Everton: James McFadden, Steven Pienaar, Phil Jagielka, Nuno Valente, John Ruddy.

Leikurinn er sýndur í beinni útsendingu á Sýn2.