Southampton selur og selur til að fara ekki á hausinn

George Burley, framkvæmdastjóri hins fornfræga félags Southampton, segist hafa verið tilneyddur til að selja alla sína bestu leikmenn til að forða því að klúbburinn yrði tekinn til gjaldþrotaskipta.

Á örskömmum tíma hefur Burley neyðst til að selja ungstirnið Gareth Bale til Tottenham á 10 milljónir punda, Chris Baird á 3 milljónir punda, Pele á 1 milljón punda og nú síðast lítur allt út fyrir að hann muni selja framherjann Kenwyne Jones á 5 milljónir punda til Derby County.

"Ég vildi ekki selja neinn af þessum leikmönnum," sagði Burley um málið. "En ég átti engra kosta völ. Þetta var gert til þess að bjarga félaginu frá gjaldþroti.