Meiðsli Rooney skónum að kenna?

Nú á sér stað mikil umræða í Englandi um hvort fjölgun meiðsla á borð við þau sem Wayne Rooney hlaut um helgina megi rekja til nýrrar gerðar af skóm sem íþróttavöruframleiðendur hafa sent frá sér undanfarið.

Nýju skórnir eru svo léttir og þunnir að þeir veita ekki lengur þá vernd sem skór gerðu á árum áður.

Einn af þeim sem hefur rannsakað þetta mál er Ges Steinberg, læknir West Ham fótboltaliðsins.

Fyrstu niðurstöður hans leiða í ljós að fjölgun virðist vera á ristarbeinbrotum knattspyrnumanna og þessi fjölgun sé vegna þess að knattspyrnu skór séu ekki eins þykkir og veiti því ekki jafn mikla vernd gegn samstuðum og tæklingum og áður. Þetta eru ekki lokaniðurstöðu og mun Steinberg rannsaka málið nánar.

Talsmenn Nike, sem framleiðir skóna sem Wayne Rooney klæddist þegar hann meiddist, eru fljótir að vísa þessu á bug.

"Meiðli Rooney voru vegna samstuðs við annan leikmann. Þetta er einfaldlega óheppni og hefur ekkert með skónna að gera. Bæði Nike og Wayne eru sammála um það."