Markalaust jafntefli á Old Trafford

Englandsmeistararnir í Manchester United náðu ekki að innbyrða sigur í fyrsta leik sínum á nýju tímabili. Reading, einum manni færri eftir að Paul Kitson var vísaði af velli á 71. mínútu, pökkuðu í vörn og ætluðu sér aldre annað en jafntefli í leiknum. Íslendingarnir Ívar Ingimarsson og Brynjar Björn Gunnarsson stóðu sig mjög vel í leiknum.

93. mínúta. - Dómarinn flautar af. 0-0 jafntefli eru lokatölur.

77. mínúta - Darren Fletcher kemur inn á fyrir Wes Brown.

71. mínúta. - Paul Kitson er sýnt rauða spjaldið. Kitson var búinn að vera á vellinum í 45 sekúndur eftir að hafa komið inn á fyrir Kevin Doyle.

66. mínúta. - Nani á gott skot rétt framhjá af tuttugu metra færi. United er í stanslausri sókn en tekst ekki að brjóta niður íslenska varnarmúrinn hjá Reading.

63. mínúta. - United hefur átt 13 tilraunir að marki. Reading eina. John O´Shea lætur verja frá sér úr dauðfæri.

56. mínúta. - John O´Shea kemur inn á fyrir Silvestre sem virðist vera meiddur. Hjá Reading kemur Oster inn á fyrir Seoul.

54. mínúta. - Boltinn fellur fyrir Evra í vítateig eftir hornspyrnu en hann hittir boltann illa og skýtur framhjá.

52. mínúta. - Sóknarþungi United er mikill þessa stundina. Leikmenn Reading komast varla yfir miðju en berjast hetjulega fyrir því að halda markinu sínu hreinu.

46. mínúta - Seinni hálfleikur er hafinn. Wayne Rooney er meiddur og hefur verið skipt út af fyrir Nani.

35. mínúta - Dauðafæri hjá United. Carrick sendi fyrirgjöf frá hægri á Rooney sem setti boltann rétt yfir af stuttu færi. Rooney virðist hafa meiðst á rist við þetta og haltrar nú um leikvöllinn.

32. mínúta - Rooney lætur sig falla frekar auðveldlega í vítateig Reading eftir snertingu við Ívar Ingimarsson. Ekkert dæmt.

23. mínúta - Giggs á skot úr þröngu færi í stöng eftir fyrirgjöf frá Ronaldo.

10. mínúta - Michael Carrick á hörkuskot að marki Reading af um 25 metra færi. Boltinn fór rétt yfir markið.

7. mínúta - United er meira með boltan án þess að hafa skapað sér teljandi markfæri. United stillir upp sama liði og á móti Chelsea um síðustu helgi fyrir utan að John O´Shea fer á bekkin fyrir Paul Scholes sem hefur jafnað sig á meiðslum.

Leikurinn er hafinn.

Vísisbloggararnir Ivar Ingimarsson og Brynjar Björn Gunnarsson eru báðir í byrjunarliði Reading.

Anderson, Hargreaves og Tevez eru ekki í hópnum hjá United en Nani er á bekknum.