Sunderland sigraði Tottenham

Nú er nýlokið leik Sunderland og Tottenham sem lauk með 1-0 sigri nýliðanna í Sunderland.

Það var Michael Chopra sem skoraði sigurmarkið þegar þrjár mínútur voru komnar yfir venjulegan leiktíma.

Leikurinn var bráðfjörugur frá upphafi til enda. Þrátt fyrir að Sunderland séu nýliðar í deildinni létu piltarnir hans Roy Keane vel finna fyrir sér og spiluðu á köflum afbragðs knattspyrnu.

Darren Bent kom inn á fyrir Tottenham í síðari hálfleik en hann er dýrasti leikmaður í sögu félagsins en Martin Jol greiddi Charlton heilar 16 milljónir punda fyrir kappann.

Didier Zokora hjá Tottenham fékk gult spjald á 41. mínútu og Dean Whitehead leikmaður Sunderand sömuleiðis á 51. mínútu.

Sunderland var nálægt því að stela sigrinum á síðustu mínútum leiksins en Paul Robinson markvörður Tottenham bjargaði sínum mönnum með ótrúlegri markvörslu á 89. mínútu efir skot frá Dickson Ethutu.

Það var svo Chopra sem var nýkominn inn á sem varamaður sem potaði boltanum inn á síðustu mínútu leiksins og tryggði sínu nýja félagi sigurinn.