Enski boltinn

Lampard vill bíða með nýjan samning í ár

Frank Lampard ætlar að einbeita sér að því að spila fótbolta í vetur.
Frank Lampard ætlar að einbeita sér að því að spila fótbolta í vetur. Nordic Photos/Getty
Enski landsliðsmaðurinn Frank Lampard vill bíða í eitt ár með að skrifa undir nýjan samning við Chelsea þar sem hann ætlar að einbeita sér að því að vinna ensku úrvalsdeildina með félaginu. Hann segir við breska götublaðið The Sun að það sé ástæða þess að samningaviðræður á milli hans og forráðamanna Chelsea hafi siglt í strand. Enginn ágreiningur sé um peninga líkt og haldið hefur verið fram.

Lampard vill enda ferilinn með Chelsea en ætlar ekki að flýta sér að skrifa undir nýjan samning en núgildandi samningur hans rennur út eftir tæp tvö ár.

"Ég hef sagt að ég vilji vera áfram hjá Chelsea og það hefur ekki breyst. En það getur verið að þessi samningur verði minn síðasti og þá verður allt að vera rétt. Það sem skiptir mestu máli núna er að spila og vinna leiki fyrir Chelsea því ég vil að mín verði minnst sem leikmanns sem eyddi lengstum hluta ferilsins hjá Chelsea og vann allt," segir Lampard sem verður fyrirliði Chelsea í fyrsta leik liðsins á ensku úrvalsdeildinni gegn Bolton á morgun.

Mest lesið


Fleiri fréttir

Sjá meira


×

Mest lesið